Цар тахалтай тэмцэх ажилд сайн дураар оролцсон оюутнуудыг сургалтын төлбөрийн тэтгэлэгт хамруулахаар болжээ

Цар тахал дэгдсэн энэ үед эмч эмнэлгийн ажилтнуудын хүрэлцээ хангамж муу, ачаалал ихтэй цаг наргүй ажиллаж байгаа билээ. Тэгвэл Өмнөговь аймгийн Гурвантэс сумын харьяат Анагаах ухааны мэргэжлээр сурч байгаа Г.Амарзаяа, Н.Солонготуяа, Э.Ховорцэцэг, Э.Хишигжаргал нарын оюутнууд "Нэг өрх нэг шинжилгээ", "Морин заг" суурьшлын бүсэд 14 хоног тутам түргэвчилсэн шинжилгээ, сумын иргэдээ вакцинд хамруулах зэрэг ажилд тангараг өргөсөн эмч, сувилагч нартай мөр зэрэгцэн ажилласан байна. Тиймээс тус сумын Засаг дарга сургалтын төлбөрийн тэтгэлэгт хамруулахаар шийдвэрлэсэн байна.