Дуучин Ука мэдээлэл хийснээс хойш дагагчийн тоо нь эргэн нэмэгджээ
Өнгөрөгч долоо хоногт дуучин Ука буюу Д.Уламбаяр цахим наадам зохион байгуулахтай холбоотой өөрийн үзэл бодол, баяр сууриа илэрхийлсэнд нь зарим иргэд ихээхэн шүүмжлэлтэй хандаж, цахим хуудсыг нь unfollow хийсэн билээ. Түүний хувьд 45 мянга орчим дагагчаа алдаж, дагагчийн тоо 308 мянга болоод байсан юм. Үүнтэй холбогдуулан дуучин Ука өчигдөр буюу долдугаар сарын 6-нд өөрийн цахим хуудсаараа дамжуулан мэдээлэл хийсэн. Мэдээлэл хийснээс хойш түүний дагагчийн тоо нэг мянгаар нэмэгдэж, 309056 болжээ.
Тэрбээр өчигдөр хийсэн мэдээллээр "Cyber Bullying буюу цахимаар хэн нэгнийг доромжилж, дарамталдаг, зорилгогүйгээр хараадаг энэ зүйлийг өөхшүүлэх юм бол цаашдаа хичнээн хүний аминд хүрэхийг би тааж мэдэхгүй. Учир нь Япон, Солонгос Cyber Bullying маш ихээр дэлгэрч байгаа. Энийг өнөөдөр энэ улсууд яаж зогсоохоо мэдэхгүй байна. Би Монголд энэ зүйл цаашаа дэлгэрчихнэ гэж бодохгүй байна. Хүн өөрийнхөө мэддэг, чаддаг зүйлээ л хийнэ. Хүн өөрийнхөө үзэл бодлоо л илэрхийлнэ. Тэр хүн ямар ч байж болно. Энэ бол тэр хүний л үзэл бодол. Сошиалыг хэтэрхий ихээр ашиглаж байгаа найз нөхөд, аав ээж, үр хүүхдээ ийм сошиал дарамтад орчихсон байх вий дээ гэж анхаарч сэтгэл санааг нь өргөөрэй. Хамт байгаа та бүхэндээ баярлалаа. Миний хувьд урлагийн салбарт хийж чадах бүхнээ хийсээр байх болно. Хийсээр л ирсэн. Та бүхэндээ баярлалаа" гэсэн юм.
