3-5 насны хоёр хүүхэд цонхоор унах гэж байсныг аварчээ

Нийслэлийн Баянгол дүүргийн зургадугаар хороо, 104 дүгээр байр есдүгээр давхраас бага насны хоёр хүүхэд унах гээд байна гэсэн дуудлага өчигдөр буюу 11 дүгээр сарын 14-ний 11:12 цагт Онцгой байдлын газарт бүртгэгджээ. Нийслэлийн Аврах ангийн алба хаагчид очиход 5 настай эрэгтэй М, 3 настай эмэгтэй Х нар гэртээ харгалзах хүнгүй цонхоор унах гэж байсныг 38 минут ажиллаж аюулгүй болгон эгч А, тус дүүргийн Цагдаагийн 2 дугаар хэлтсийн эргүүлийн офицерт хүлээлгэн өгсөн байна.