С.Будрагчаа: Ж.Соронзон нөхрөө багшаар ажилд авч, сар бүр 4.5-10.6 сая хүртэлх төгрөгийн цалин олгодог

Сэтгүүлч С.Будрагчаа БСШУЯ-ны харьяа Монгол-Оросын хамтарсан 3-р сургуулийн захирал Ж.Соронзон нь эрх мэдэл, албан тушаалаа урвуулан ашигласан талаарх баримт бичгийг АТГ-т хүргүүллээ. Тэрбээр "Монгол-Оросын хамтарсан 3-р сургуулийн захирал Ж.Соронзон өөрийн төрсөн дүү Ж.Содбилэгийн нэр дээр бүртгэлтэй "Эрхга" ХХК-тай түрээсийн гэрээ гэгчийг байгуулж, төрийн өмчийн сургуулийн төсвийн бус хөрөнгөнөөс 2015-2021 оны хооронд 845 сая төгрөгөөс нэг хүртэлх тэрбум төгрөгийг жил бүр шилжүүлсэн баримт, түрээсийн гэрээг АТГ-т албан ёсоор хүргүүлсэн. Энэ хугацаанд Монгол- Оросын хамтарсан 3-р сургуулийн данснаас 46 удаагийн гүйлгээгээр 5тэрбум гаруй төгрөгийг шилжүүлснийг шалган тогтоож гэм буруутай этгээдүүдийн хууль бусаар олсон хөрөнгийг буцаан төлүүлэхийг шаардаж байна. Мөн Ж.Соронзон захирал нь өөрийн нөхөр Н.Лүндэндоржийг тэтгэвэрт гарсны дараа өөрийн сургуульд нийгмийн багшаар ажилд авч, сар бүр 4.5 сая төгрөгөөс 10 хүртэлх төгрөгийн цалин олгодог баримт байгаа" гэдгийг хэллээ.