“Хаан жимс“ амралтын газар 7 хүн үерийн усанд боогджээ

Төв аймгийн Эрдэнэ сумын 2 дугаар багийн “Хаан жимс” амралтын газар үерийн усанд автжээ. Тодруулбал, өчигдөр орой 19.00 цагийн үеийн ОБЕГ-т дуудлага ирсэн байна. Дуудлагын дагуу онцгой байдлын хэлтсийн даргаар ахлуулсан алба хаагчид 40 км замыг туулан 19.55 цагт очиход “Хаан жимс” амралтын газарт үерийн ус орж, 7 том хүн үерийн усанд боогдсон байсныг 50 минут ажиллаж аюулгүй газарт гаргажээ.

Нийт 10 гэр, 2 байшин үерийн усанд автсан аж.