НЭГ ДОРООС: 5-11 настнууд ковид19-ийн вакцинд хэрхэн хамрагдах вэ
5-11 настнуудын вакцины эргэн тойронд түгээмэл гарч буй асуултад албаныханы өгсөн хариултыг багцлан хүргэж байна.
-5-11 настнуудыг хэзээнээс дархлаажуулах вэ?
-Эрүүл Мэндийн сайдын тушаалаар 2022 оны наймдугаар сарын 1-нээс дархлаажуулахаар боллоо
-Хүүхдүүдийг хэдэн тунгаар вакцинжуулах вэ?
-Манай улсын хувьд 5-11 насны хүүхдүүдийг нэг сарын зайтай, коронавирусийн эсрэг хоёр тун вакцинаар дархлаажуулна.
-5-11 настнууд бүүстер тунг хийлгэх үү?
-ДЭМБ болон АНУ-ын Хүнс Эмийн Агентлаг, Европын Эмийн Агентлагаас 5-11 настай хүүхдийг коронавирусийн эсрэг вакцины эхний хоёр тунг хийлгэсэн бол бүүстер буюу нэмэлт тунг таван сарын дараа авах боломжтой гэсэн зөвлөмжийг гаргасан байна
-Вакцин хийлгэх бол хаана хандах вэ?
-Таны хүүхэд 5-11 настай бол харьяа сум, өрхийн эрүүл мэндийн төвд очиж коронавирусийн вакциндаа хамрагдах боломжтой.
-Манай улсад энэ насны хүүхдүүдийг дархлаажуулах вакцины нөөц хэр байгаа вэ?
-Ковакс хөтөлбөрийн хүрээнд Файзер компаниас 1 сая тун вакцин авахаар болсон. Одоогийн байдлаар 300 мянган тун хүүхдийн вакцин ирээд байна.
