Бусдын автомашиныг хулгайлж, эд ангийг нь борлуулсан байж болзошгүй 28-45 насны хоёр эрэгтэйг илрүүлэн шалгаж байна

Сонгинохайрхан дүүргийн цагдаагийн газрын гуравдугаар хэлтсийн алба хаагчид тус дүүргийн 15 дугаар хорооны нутаг дэвсгэрээс автомашин хулгайд алдагдсан хэргийг 28-45 насны хоёр эрэгтэй үйлдсэн болохыг илрүүлэн шалгаж эхэлжээ.

Урьдчилсан байдлаар дээрх этгээдүүд өмнө нь өөр автомашинууд хулгайлж, эд ангиудыг задалж, бусдад борлуулсан байж болзошгүй байна.

Иймд иргэн та автомашинаа харуул хамгаалалттай, хяналтын камертай зогсоол, байршилд байрлуулах, тээврийн хэрэгслийг асаалттай, түгжээгүй орхихгүй байх зэргээр болзошгүй эрсдэлээс сэргийлэхийг Цагдаагийн байгууллагаас зөвлөлөө.