СЭРЭМЖЛҮҮЛЭГ: Гэр бүлээрээ амарч явсан 7 настай хүү Увс нууранд живж, амь насаа алджээ

Увс аймгийн Тариалан сумын Тарвагатай багийн “Увс” нуур орчимд гэр бүлийн хамт амарч явсан бага насны хүүхэд “Увс” нууранд живсэн тухай дуудлага мэдээлэл өчигдөр /2024.07.08/ өдрийн 15:23 цагт ОБГ хүлээн авсан байна.

Дуудлагын дагуу тус аймгийн Онцгой байдлын газрын Эрэн хайх, аврах салбарын алба хаагчид очиж Ш /7 настай, эрэгтэй/-ыг эрэн хайх ажиллагааг зохион байгуулан, нуурын баруун урд эргээс 15 метр зайд, 3 метрийн гүнээс 16:45 цагт цогцсыг гаргаж, аймгийн Цагдаагийн газрын Мөрдөн байцаагчид шилжүүлэн өгсөн байна.

Иймд иргэд та бүхэн аялал зугаалгын үед сонор сэрэмжтэй байж, бага насны хүүхдэдээ тавих хараа хяналтаа сайжруулаарай.