СЭРЭМЖЛҮҮЛЭГ: Ахуйн гал түймэр гарч, 32 настай эмэгтэй гэмтжээ

Баянгол дүүргийн 14 дүгээр хороо, 3 дугаар хороололд гал гарч, нэг иргэн гэмтсэн байна. Тодруулбал,

Энэ тухай дуудлага мэдээлэл есдүгээр сарын 09-ний өдрийн 19:39 цагт ОБГ-т ирсэн бөгөөд Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчид 4 км замыг туулан 19:50 цагт очиход иргэн А-ийн гал тогооны өрөөнд цахилгаан хэрэгсэл шатаж байсныг 10 минут ажиллаж унтраасан.

Утаажилтын бүсээс 3 иргэнийг аюулгүй газарт гаргасан бөгөөд гал түймэрт иргэн Н /32 настай, эмэгтэй/ гар хэсгээрээ түлэгдсэн байсныг Эмнэлгийн байгууллагад хүлээлгэн өгчээ.

Иймд иргэд та бүхэн тог цахилгааны шугамд саатал гарсан эсэхийг шалгаж, болзошгүй аюулаас урьдчилан сэргийлээрэй.