Т.Мөнхсайхан: ХУД-ийн ЭМТ-ийн даргыг хариуцлага тооцож чөлөөлсөн бол эргээд өөр эмнэлэгт даргаар томилох нь утгагүй

Хан-Уул дүүргийн Эрүүл мэндийн төвийн эмнэлгийн эмч, ажилчид ажиллах нөхцөл байдал хэцүү байгаа талаараа мэдээлсэн байдаг. Тодруулбал, үйлчлүүлэгч хүлээн авахад шаардлагатай нэг удаагийн хэрэгсэл байхгүйн улмаас үзлэг хийх боломжгүй, иргэдийг буцаадаг. Мөн ажилчдынх нь 6-7 сарын нийгмийн даатгалын шимтгэл төлөгдөөгүй, цалин тасалдсан зэрэг олон асуудлыг хөндсөн юм.

Үүнтэй холбоотойгоор ХУД-ийн ЭМТ-ийн дарга А.Сувдааг чөлөөлж, "Энэрэл" эмнэлгийн даргаар ажиллаж байсан Н.Наранбаатарыг томилсон байна. Харин А.Сувдааг "Энэрэл" эмнэлгийн даргаар сэлгэн томилсон нь олон нийтийн шүүмжлэлийг дагуулаад буй. Энэ талаар болон бусад цаг үеийн асуудлаар ЭМ-ийн сайд Т.Мөнхсайханаас тодрууллаа.