ЦЕГ: Дорнод аймагт 14 настай охины биед үе тэнгийн сурагчид нь халдаж, бичлэг хийснийг тогтоосон. Хүүхэд хамгааллын баг ажиллаж байна

Олон нийтийн цахим сүлжээнд орон сууцны орцонд өсвөр насны охины биед хэсэг бүлэг охид нийлж, халдаж буй дүрс бичлэг цацагдаж цочирдуулсан. Цагдаагийн байгууллагаас цахим хуудсанд нийтлэгдсэн мэдээллийн дагуу шалгалтын ажиллагааг хийжээ. Шалгалтаар 2024 оны 12 дугаар сарын 03-ны Дорнод аймагт 14 настай эмэгтэй хүүхдийн биед 14 настай үе тэнгийн сурагчид халдан, бичлэг хийсэн болохыг тогтоосон байна. Аймгийн Хүүхэд хамгааллын баг ажиллаж байгаа талаар цагдаагийн байгууллагаас мэдээллээ.