Энэ мэдээ хуучирсан буюу 2024/12/23-нд нийтлэгдсэн мэдээ болно.
Анхаарал хандуулах болон чанаргүй зээлийн өрийн үлдэгдэл өсчээ
10
Анхаарал хандуулах зээлийн өрийн үлдэгдэл энэ оны арваннэгдүгээр сарын эцэст 1.3 их наяд төгрөг болжээ. Энэ нь өмнөх сараас 31 тэрбум төгрөгөөр буюу 2.4 хувиар өссөн дүн юм. Харин өмнөх оны мөн үеэс 64.7 тэрбум төгрөгөөр буюу 4.6 хувиар буурсан байна.
Анхаарал хандуулах зээлийн өрийн үлдэгдэл нийт зээлийн өрийн үлдэгдлийн 3.7 хувийг эзэлж байгаа юм. Мөн чанаргүй зээлийн өрийн үлдэгдэл энэ оны арваннэгдүгээр сарын эцэст 2.1 их наяд төгрөг болж, өмнөх сараас 11.2 тэрбум төгрөгөөр буюу 0.5 хувиар өссөн байна. Харин өмнөх оны мөн үеэс 106 тэрбум буюу 4.9 хувиар буурсан үзүүлэлттэй байгаа юм.
