Буу гарган эхнэрээ айлган сүрдүүлж, гэр бүлийн хүчирхийлэл үйлджээ

Галт зэвсгээр эхнэрээ айлган сүрдүүлж, гэр бүлийн хүчирхийлэл үйлджээ. Тодруулбал, "Манай нөхөр намайг айлган сүрдүүллээ" гэх дуудлага мэдээлэл энэ оны 12 дугаар сарын 25-ны өдөр 17 цагийн орчимд Ховд аймгийн цагдаагийн газар бүртгэгдсэн. Дуудлагын дагуу цагдаагийн байгууллагаас очиж шалгахад, иргэн Г нь галт зэвсгээр эхнэрээ сүрдүүлж, гэр бүлийн хүчирхийлэл үйлдсэн нөхцөл байдал тогтоогджээ. Хэргийн газраас галт зэвсгийг хураан авч, шалгалтын ажиллагааг үргэлжлүүлж байна.