Б.Жаргалсайхан: Угаагаад хаясан нүүрсний хогоор түлш хийж шахсан MCS компанид хариуцлага тооцох хэрэгтэй. Ж.Оджаргал өөрөө гэртээ зуух тавьж байгаад түлшээ түлээд үз
Агаарын бохирдол, утааны асуудлаарх ерөнхий хяналтын сонголыг зохион байгуулах үүрэг бүхий ажлын хэсгээс "Утаа ба хяналт, санхүүгийн зарцуулалт" сэдэвт гурав дахь хэлэлцүүлэг хийж байна.
Хэлэлцүүлэгт оролцогч Буян ХХК-ийн захирал Б.Жаргалсайхан: Шахмал түлшний найрлага дахь мидлингийн асуудлаар "MCS" компанид хариуцлага тооцох хэрэгтэй. Угаагаад хаясан нүүрснийхээ хогийг авчирч шахаад, түлш хийж өгсөн. Тэнэгийг хуурч байгаа арга шүү дээ. Ж.Оджаргал тэгвэл өөрөө гэртээ зуух тавьж байгаад түлшээ түлээд үзэхгүй юу. Одоо бид эзэнтэй асуудалд нэр нүүртэй нь ярьж сурах хэрэгтэй. Юмыг бөөрөнхийлж тал засаад худал ярьдаг зүйлээ одоо болимоор байна.Мэдээж юу ч түлсэн утаа гарна. Дахиад л MCS нь зуух шахдаг. Дахиад л нүүрсний хогоо шахдаг. Сүүлдээ угаасан бандаашаа л бидэнд өгөх дутуу байгаад байна.
