ЦЕГ: “Манай охин амиа хорлох гээд байна” гэх дуудлагаар алба хаагчид очиж ажилласан
Өмгөөлөгч Г.Батбаяр агсны охины гэрийнх нь гадна цагдаагийн бүрэлдэхүүн ирсэн талаар дүрс бичлэг цацагдсан. Энэ талаар ЦЕГ-ын Хэвлэл, мэдээллийн төвөөс тодруулахад “Цагдаагийн байгууллагад өнөөдөр /2025.02.03/ 20 цагийн орчимд “Манай охин өөрийгөө шилээр зүсээд амиа хорлох гээд байна” гэх дуудлага, мэдээлэл бүртгэгдсэн. Бүртгэгдсэн дуудлага, мэдээллийн дагуу цагдаагийн байгууллагаас шалгалтын ажиллагаа явуулахад Хан-Уул дүүргийн 19 дүгээр хороонд байрлах хотхоны … тоотод оршин суугч нь хаалгаа тайлж өгөхгүй, шалгуулахгүй гэжээ.
Тус асуудлыг нэг мөр тодруулах, учирч болох эрсдэлээс урьдчилан сэргийлэх үүднээс шалгалтын ажиллагааг үргэлжлүүлэх явцад тухайн хотхоны .... дугаар бүхий орон сууцны гадна байхад дээрээс бичлэг хийж, олон нийтэд түгээсэн байна” гэлээ.
