О.Одбаяр: Ах эгч хоёр минь надад туслах гэсэн биш нийгэмд муу нэртэй боллоо. Х.Нямбаатараас 200 сая төгрөг авсан гэх мэтээр худал ярьцгааж байна

Өнгөрсөн нэгдүгээр сарын 23-24-нийг шилжих шөнө Баянгол дүүргийн 22-р хороонд 6-51 хүртэлх насны 6 хүн амиа алджээ. Энэ мэдээлэл гарснаас хойш том хүү О.Одбаяр энэ сарын 6-нд хэвлэл мэдээлэлд хандаж, хайртай хүмүүсээ харамсалтайгаар алдаад байгаа тухайгаа ярьсан. Энэ үеэр О.Одбаярын ах, эгч хоёр нь яриа өгөхийг хориглож байв.

О.Одбаяр энэ талаар "Би талбайн хажууд мэдээлэл хийсэн. Тухайн үед нагац ах эгч хоёр минь надад туслах гэсэн биш өнөөдөр нийгэмд муу нэртэй боллоо. Х.Нямбаатараас 200 сая төгрөг авсан гэх мэтээр худал ярьцгааж байна. Миний ах, эгчийг муухай байдалд оруулсан нь надад хэцүү байна. Намайг буруу зүйл яриад дараа нь өөрийгөө хэрэгт хийчих вий гээд санаа зовоод ирсэн" гэв.