“Тавантолгой түлш ХХК-ийн удирдах зөвлөлд ажиллаж байсан болон үе үеийн удирдлагуудыг шалгаж байгаа“

Энэ оны нэгдүгээр сарын 23-24-нийг шилжих шөнө Баянгол дүүргийн 22-р хороонд амьдардаг гэр бүлийн 6 хүн угаартаж нас барсан харамсалтай хэрэг гарсан талаар бид мэдээлсэн. ЦЕГ-аас уг хэргийг шалгаж байгаа бөгөөд үхлийн шалтгаан урьдчилсан байдлаар угаарын хордлого гэж гарсан байдаг. Үүнтэй болон бусад цаг үеийн нөхцөл байдалтай холбоотойгоор Тавантолгой түлш ХХК-ийн удирдах зөвлөлд ажиллаж байсан болон үе үеийн удирдлагуудаас АТГ, ЦЕГ шалгаж байгаа талаар ХЗДХ-ийн сайд О.Алтангэрэл мэдээллээ.