П.Наранбаяр: Элсэлтийн шалгалт 2028 он хүртэл хуучин журмаар явагдана
Өчигдрөөс эхлэн Элсэлтийн ерөнхий шалгалтын бүртгэл орон даяар эхэлсэн билээ. Энэхүү шалгалттай холбоотой Боловсролын сайд П.Наранбаяр тушаал гаргалаа.
Тэрбээр "Сайдын гаргасан тушаалаар 2026 оноос эхлэн хэрэгжих ёстой байсан ЭЕШ-ын журмын өөрчлөлтийг 2028 он хүртэл хойшлуулж байна. Хоёрдугаарт, 10 дугаар ангид хүүхэд орж ирээд Монгол хэлний босго шалгалтаа өөрийнхөө боломжтой үед өгч болох боломжоор хангаж байна".гэв.
БҮТ-ийн захирал Г.Гантуяа: Энэ удаагийн ЭЕШ-ын бүртгэлийн хугацаа өчигдрөөс эхэлсэн. ЕБС-ийн 10, 11-р ангийн сурагчид дөрөвдүгээр сарын 17-19-нд зохион байгуулах ЭЕШ-ыг өгнө. Хэрэв Монгол бичгийн шалгалтад босго оноо нь 400-д хүрэх юм бол цаашид насан туршдаа энэ үр дүнгээ ашиглаад явах боломжтой. Хараахан 400 оноонд хүрээгүй хүүхдүүд 12 анги төгстлөө өгөх боломжийг бүрдүүлж байна.
