С.Баяр: Ардчилсан хувьсгалаас хойш 35 жил өнгөрсөн ч хүний эрх, хувийн өмч, хууль дээдлэх ёс гэх мэт олон ойлголт нийгмийн үнэт зүйл болсонгүй

Монгол Улсын Ерөнхий сайд асан С.Баяр улс төр болоод нийгэмд болж буй үйл явдлуудтай холбоотойгоор өөрийн байр сууриа илэрхийлжээ.

Тэрбээр "Ардчилсан хувьсгал эхэлснээс хойш 35 жил өнгөрсөн ч хүний эрх, хувийн өмч, хууль дээдлэх ёс гэх мэт ардчилалын суурь олон ойлголт нийгмийн үнэт зүйл болсонгүй. Нийгмээ түүчээлэн урагш хөтлөх учиртай улс төрийн намын залуу төлөөллүүд хүртэл "Нохойн зүрх" зохиолын люмпен пролетари нар шиг ааглан зэрлэг аашилж буйг харах юун гунигтай." гэв.