ЖАРГАЛАНТ СУМЫН ЗАСАГ ДАРГА Б.ГОМБОДОРЖ: Талийгаач хүүхдүүдийн эцэг эх төрийн албан хаагч биш учраас цэвэрлэгээнд оролцоогүй. Суманд байдаг гал унтраах машин асахгүй байгаа

UBN сайтын сурвалжлах баг Төв аймгийн Жаргалант суманд ажиллаж байна. Нэг айлын 3 хүүхэд гэртээ галд шатаж, амь насаа алдсан ослын талаар Төв аймгийн Жаргалант сумын Засаг дарга Гомбодоржоос тодрууллаа. Тэрбээр, "Гал гарсныг мэдээд очиход байшин бүхэлдээ галд автсан хүн орох ямар ч нөхцөл боломж байгаагүй.Суманд байдаг гал унтраах машин асахгүй байгаа. Талийгаач хүүхдүүдийн эцэг эх төрийн албан хаагч биш учраас цэвэрлэгээнд оролцоогүй" гэлээ.