Б.Ганцэцэг: Орон сууцны асуудлыг чинь нааштай шийдэх юм шиг байна гэж утсаар хэлсэн. Тушаал шийдвэр нь гараагүй гэсэн.

Миний дэлгүүрт гарсан галыг унтраахаар ажиллаж байхдаа амиа алдсан гал сөнөөгч Д.Жанчив агсны гэр бүлд орон сууцны дэмжлэг үзүүлэхээр болсон гэх мэдээлэл өнөөдөр цацагдсан. Энэ талаар талийгаачийн эхнэр Б.Ганцэцэгээс тодруулахад "Яг одоогоор байр авсан юм алга байна. Над руу онцгой байдлын газраас яриад таны байрны асуудлыг нааштайгаар шийдэх юм шиг байна гэснээс өөр зүйл хэлээгүй. Захирамж, албан ёсны тушаал шийдвэр нь гараагүй юм билээ. Надад тэдийд өгнө гэсэн хугацаа ч хэлээгүй байгаа. Түлхүүр гардаж авсан цагтаа л авлаа гэх байхдаа" гэлээ.