Бусдыг зодож, биед нь хүнд гэмтэл учруулсан холимог тулаанч Г.Чинзоригийн хэргийг шүүхэд шилжүүлжээ

Холимог тулааны тамирчин Г.Чинзориг нь Чингэлтэй дүүргийн нэр бүхий авто засварын газарт өнгөрсөн зургаадугаар сарын 26-ны өдөр иргэн ...-нийг зодож, онц харгис хэрцгийгээр алахаар завдсан байдаг.

Дээрх хэргийг Эрүүгийн хуулийн тусгай ангийн 10.1 дүгээр зүйл /Хүнийг алах/-ийн 2.1 “онц харгис хэрцгийгээр”, 2.7 “хохирогчийг биеэ хамгаалж чадахгүйг мэдсээр байж” дахь хэсгээр эрүүгийн хэрэг үүсгэн шалгаж, долоодугаар сарын 31-ний өдөр хэргийг шүүхэд шилжүүлэх саналтай Нийслэлийн прокурорын газарт хүргүүлж шийдвэрлэсэн байна.