АН-ын бүлэг: УИХ-ын дарга, Ерөнхий сайдыг огцруулах асуудлыг нэг өдөр дарааллаар нь хэлэлцэхгүй бол бид чуулганы хуралдаанд оролцохгүй

УИХ дахь Ардчилсан намын бүлэг ээлжит бусаар хуралдаж дууслаа. Хуралдаанаас гарсан шийдвэрийг Ардчилсан намын дарга, тус бүлгийн дарга О.Цогтгэрэл танилцууллаа.

Ардчилсан намын бүлгээс хоёр заалт бүхий шаардлагыг УИХ-д хүргүүлж байгаа аж. Тодруулбал, УИХ-ын дарга Д.Амарбаясгаланг огцруулах асуудлыг товлоогүй, Ерөнхий сайд Г.Занданшатарыг огцруулах асуудалтай дарааллуулан хэлэлцэхгүй тохиолдолд АН-ын гишүүд чуулганы хуралдаанд оролцохгүй гэдгийг бүлгийн дарга О.Цогтгэрэл онцоллоо.