Н.Учрал: Тэтгэврийн зээл тэглэсний өр төлбөрийг “Эрдэнэс Монгол“ хойд хормойгоороо урд хормойгоо нөхөөд төлж байгаа

УИХ-ын асуулгын цагаар “Данхар төр-Дарамтат татвар” сэдвээр АН-ын гишүүд Ерөнхий сайдтай мэтгэлцлээ. Энэ үеэр УИХ-ын гишүүн Ө.Шижир "Оройтсон бороо" гэдэг шиг ТӨК-иудыг татан буулгалаа. Танай ЗГ-ын сайд нар эрх мэдлээ булаацалдаад, төрийн өмчийг үнэгүйдүүлж байна" гэж шүүмжлэв.

Тэгвэл Ерөнхий сайд "Хийхээр "Оройтлоо" гээд, хийхгүй байхаар "Хийхгүй байна" гэх юм. Сөрөг хүчин хийж байгаа зөв ажлыг шүүмжлэх нь утгагүй. Таныг ЕТГ-ын даргаар ажиллаж байхад тэтгэврийн зээл тэглэсний өр төлбөрийг "Эрдэнэс Монгол" хойд хормойгоороо урд хормойгоо нөхөөд төлж байгаа" гэлээ.