Ч.Лодойсамбуу: Үндэсний их баяр цэнгэл наадмыг талцал, хагарал, хэрүүл рүү хөтөлж байгаа хуулиудаа гишүүд эртхэн татаж авах хэрэгтэй

УИХ-ын гишүүн О.Амгаланбаатар, П.Сайнзориг нарын тус тусдаа өргөн мэдүүлсэн Үндэсний их баяр наадмын тухай хуульд өөрчлөлт оруулах хуулийн төслийг өнөөдөр Төрийн байгуулалтын байнгын хороогоор хэлэлцсэн. Тодруулбал, П.Сайнзоригийн хуулийг УИХ-аар хэлэлцэхийг дэмжсэн бол О.Амгаланбаатарын хуулийг хэлэлцэхийг дэмжээгүй.

Тэгвэл УИХ-ын гишүүн Ч.Лодойсамбуу энэ талаар байр сууриа илэрхийлж "Их Монгол Улс байгуулагдсаны 820 жилийн түүхэн ойн босгон дээр Үндэсний их баяр цэнгэл наадмыг талцал, хагарал, хэрүүл рүү хөтөлж байгаа хуулиудаа гишүүд эртхэн татаж авах хэрэгтэй. Манай үндэстний ганц гангараа болсон тэр хэдэн өдрийг ядаж хэрүүл уруулгүй байлга л даа" гэжээ.