ХЭҮК: “Нийтийн албан тушаалтны зургийг мэдээндээ ашигласан” гэх гомдлыг шалгасан н.Ганзориг нь холбогдох хууль, журмыг зөрчсөн нь тогтоогдсон

Зөв.мн сайтыг "Мэдээ, нийтлэлдээ нийтийн албан тушаалтны зургийг тавьсан" гэж үзэн, 20 сая төгрөгөөр торгосон асуудал нь олны анхааралд хүрч шүүмжлэл дагуулаад буй. Улмаар УИХ-ын дарга С.Бямбацогт, Ерөнхий сайд Н.Учрал нар хариуцлага алдсан холбогдох албан тушаалтнуудад хариуцлага тооцож, ажлаас нь чөлөөлөхөө мэдэгдсэн.

Тэгвэл болсон үйл явдалтай холбогдуулан ХЭҮК-оос өнөөдөр мэдээлэл хийлээ. Тодруулбал "Нийтийн албан тушаалтны зургийг мэдээндээ ашигласан” гэх гомдлыг шалгасан н.Ганзориг нь ХЭҮК-ын гишүүний үүрэг, чиглэлийг биелүүлээгүй, холбогдох хууль, журмыг зөрчсөн нь тогтоогдож байна.

Иймд н.Ганзоригт САХИЛГЫН ХАРИУЦЛАГА тооцохоор сонсох ажиллагаа явуулж байна" гэсэн юм.