ЦЕГ: 3 настай хүүхэд нүхэнд унаж нас барсан хэрэгтэй холбоотойгоор хилээр гарсан гэх иргэн энэ сарын 2-нд буцаж ирсэн

Төв аймгийн Заамар сумын нутагт “3 настай хүүхэд нүхэнд унаж нас барсан” гэх хэрэгтэй холбоотойгоор нэр бүхий компанийн захирал М нь Монгол Улсын хилээр гарч зугтчихлаа” гэх мэдээлэл нийтлэгдсэн.

Энэ талаар цагдаагийн байгууллагаас тодруулахад "Дээрх хэргийн мөрдөн шалгах ажиллагааны явцад уг нэр бүхий нэр компанийн захирал М нь өнгөрсөн тавдугаар сарын 28-ны өдөр Монгол Улсын хилээр гарч, 06 дугаар сарын 02-ны өдөр буцаж орж ирсэн.

Хуульд заасан үндэслэл журмын дагуу уг хуулийн этгээдийг хэрэгт иргэний хариуцагчаар тооцон шалгалтын ажиллагааг явуулж байна" гэлээ.