“Туулын хурдны зам түгжрэлд нөлөөлөх үзүүлэлтээр нэгдүгээрт эрэмбэлэгдэж байгаа“

Нийслэлийн 2024-2026 оны төсвийн сонсгол хоёр дахь өдрөө үргэлжилж байна. Өнөөдрийн сонсголоор сүүлийн үед хамгийн их хэл ам дагуулаад буй Туулын хурдны зам, Сэлбэ дэд төвийн асуудлыг хэлэлцэж буй.

Туулын хурдны замын асуудлаар Нийслэлийн Замын хөгжлийн дарга Б.Одбаяр тайлбар өгөхдөө "Туулын хурдны замыг ашиглалтад оруулснаар тээврийн хэрэгслийн оргил цагийн хурдыг 12.3 км/цаг буюу 14 хувиар нэмэгдүүлэх боломжтой. Туулын хурдны зам түгжрэлд нөлөөлөх үзүүлэлтээр нэгдүгээрт эрэмбэлэгдэж байгаа" гэлээ.