Наадмаар 7-р сарын 10-15-ны хооронд 6 хоног амарна

Үндэсний их баяр наадмаар хэд хоног амрах вэ гэсэн хүлээлт иргэдийн дунд үүсээд буй. Тэгвэл одоо хүчин төгөлдөр мөрдөгдөж буй "Нийтээр тэмдэглэх баярын болон тэмдэглэлт өдрүүдийн тухай" хуулийн 4-р зүйлд "Хуульд өөрөөр заагаагүй бол Үндэсний их баяр наадам, Ардын хувьсгалын ойн баяраар долоодугаар сарын 10, 11, 12, 13, 14, 15-нд амарна" гэж хуульчилсан байна.

Энэ жилийн тухайд дээрх зургаан өдрийн хоёр нь бямба, ням гарагийн амралтын өдөр таарч буй бол ажлын дөрвөн өдөр таарч байгаа юм.