ҮХЦ-ийн гишүүнээр Ж.Сүхбаатар, Г.Эрдэнэбат нарыг томилуулах саналыг хэлэлцүүлэхээр ТББХ-нд УИХ-ын дарга хүргүүлжээ

ҮХЦ-ийн дарга Г.Баясгалангийн бүрэн эрхийн хугацаа дуусаад нэг жил өнгөрч буй. Мөн Цэцийн гишүүнээр ажиллаж байсан Л.Өлзийсайханыг УИХ-ын Ерөнхий нарийн бичгийн даргаар томилсон тул нөхөн томилгоо хийх шаардлага үүссэн юм.

Тэгвэл УИХ-ын дарга С.Бямбацогт ҮХЦ-ийн гишүүнээр УИХ-ын гишүүн асан Ж.Сүхбаатар, УИХ-ын Тамгын газрын дэд дарга Г.Эрдэнэбат нарыг нэр дэвшүүлэх саналаа Төрийн байгуулалтын байнгын хороонд өчигдөр /2026.06.23/ хүргүүлжээ. Дээрх саналыг ойрын өдрүүдэд УИХ-аар хэлэлцэн шийдвэрлэх төлөвтэй байна.