Ж.Сүхбаатар, Г.Эрдэнэбат нарыг ҮХЦ-ийн гишүүнээр томилох саналыг дэмжлээ

ҮХЦ-ийн гишүүнээр УИХ-ын гишүүн асан Ж.Сүхбаатар, УИХ-ын Тамгын газрын дэд дарга Г.Эрдэнэбат нарыг томилох УИХ-ын даргын саналыг Төрийн байгуулалтын байнгын хорооны хуралдаанаар хэлэлцэж, 85.7 хувийн саналаар дэмжлээ. Маргааш УИХ-ын чуулганы хуралдаанаар хэлэлцэн батлах юм.

Сануулахад, ҮХЦ-ийн дарга Г.Баясгалангийн бүрэн эрхийн хугацаа дуусаад нэг жил өнгөрч буй. Мөн Цэцийн гишүүнээр ажиллаж байсан Л.Өлзийсайханыг УИХ-ын Ерөнхий нарийн бичгийн даргаар томилсон тул нөхөн томилгоо хийх шаардлага үүссэн юм.