Ө.Шижир: ЗГ санал асуулга нэртэй жүжигчилсэн тоглолтоо боль. Иргэн ногдол ашгаа хувь дансандаа авна гэвэл тэрийг нь ханга
Монгол Улс Оюутолгойгоос ногдол ашиг авахаар болсон билээ. Үүнтэй холбоотойгоор тухайн ногдол ашгийг юунд зарцуулах талаар Засгийн газар иргэдээс санал авч эхэлсэн билээ. Тэгвэл эл санал асуулгатай холбоотойгоор УИХ-ын гишүүн Ө.Шижир байр сууриа илэрхийлэв.
Тэрбээр "Хөтөлж байцаалт авна гэдэг шиг хөтөлж асуумж асуусан санал асуулгыг Засгийн газраас хийж байна. Иргэдээс асууна гэсэн л бол иргэд чөлөөтэй саналаа өгөх, илэрхийлэх сонголтыг нь өгөх ёстой.
Ийм хөтөлж байцаасан тулган шаардсан шинжтэй жүжигчилсэн тоглолтоо боль. Иргэдээс асууж л байгаа юм бол иргэд хувьдаа дансандаа авах гэдэг сонголтыг нь оруулаад санал асуулгаа явуул. Тэгээд гарсан шийдвэрийг нь дага. Асууж л байгаа юм бол.
Хувьдаа дансандаа авна гэвэл тэрийг нь ханга. Иргэд тэр ноогдол ашгаараа өрөө төлнө үү, махаа авна уу, үр хүүхдүүддээ өгнө үү засгийн газарт ямар ч падгүй" гэв.
