Гудамжинд бусдыг айлган сүрдүүлж хөөсөн гэх иргэнийг 100 мянган төгрөгөөр торгожээ
30
Цахим орчинд "Энэ хүн 25-р эмийн сангаас дээш өгсөж байхад нэг охиныг айлгаад араас нь орилж хашхирч гүйгээд байхаар нь гайхаад эргээд харсан чинь над руу орилоод зодох гэж дайрсан" гэх утгатай мэдээлэл нийтлэгдсэн.
Энэ талаар Цагдаагийн байгууллагаас тодруулахад "Өчигдөр /2026.08.04/ 15.00 цагийн үед “Чингүнжав хөшөөний орчимд архи согтууруулах ундааны зүйл хэрэглэсэн үедээ бусадтай хэрүүл маргаан хийж байна” гэх дуудлага, мэдээлэл бүртгэгдсэн байна.
Дуудлага, мэдээллийн дагуу шалгалтын ажиллагаа явуулахад 30 настай, эрэгтэй “Г” олон нийтийн газар хэрүүл маргаан үүсгэсэн байх тул Зөрчлийн тухай хуульд зааснаар торгох шийтгэл оногдуулсан" гэлээ.
