Усны газрын даргаар Ш.Мягмарыг томиллоо

Засгийн газрын хэрэгжүүлэгч агентлаг Усны газрыг өнгөрсөн дөрөвдүгээр сард орон тооны дээд хязгаарыг нь 38 хүнтэй байхаар, 601.3 сая төгрөгөөр байгуулж, бүрэлдэхүүнийг нь БОАЖЯ-ны боловсон хүчнээс бүрдүүлэхээр болсон. Ингэхдээ уг яамны сайдын эрхлэх асуудлын хүрээнд тус газрыг ажиллуулахаар шийдвэрлэсэн юм. Тэгвэл Засгийн газрын 85 дугаар тогтоолоор Усны газрын даргаар Ш.Мягмарыг томилж, өчигдөр үүрэгт ажилдаа орлоо. Тэрбээр БОАЖЯ-ны Газар зохион байгуулалт, усны нэгдсэн бодлого зохицуулалтын газрын даргаар ажиллаж байжээ.

Эх сурвалж: Өнөөдөр сонин