Ерөнхий сайдын зөвлөхийн өрөөнөөс хяналтын камер илрүүлжээ

Монгол Улсын Ерөнхий сайдын зөвлөх Г.Үйлстөгөлдөрийн Төрийн ордон дахь өрөөнөөс өнөө өглөө хяналтын камер илрүүлжээ.

Эх сурвалжийн хэлж буйгаар сүлжээний утсан дунд камерыг байрлуулсан бөгөөд интернэтээр холбогдон алсаас удирдах боломжтой камер юм. Хэргийг харьяаллын дагуу Төрийн тусгай хамгаалалтын газар болон тагнуулын байгууллага шалгаж эхэлсэн байна. Уг хэрэгт ЗГХЭГ-ын Мэдээллийн технологийн хэлтсийн нэгэн ажилтанг холбогдуулан шалгаж эхэлжээ.