Шүүхээс Т.Дэлгэрмөрөнг 750 мянган төгрөгөөр торгожээ

    Дуучин Т.Дэлгэрмөрөнг шүүхээс 750 мянган төгрөгөөр торгох шийдвэр гаргалаа. Мансуурсан, гэр бүлийн хүчирхийлэл үйлдснийг нь шүүх тогтоож 50 хоног  баривчлахаар болсон ч 14 нас хүрээгүй хүүхэдтэй ганц бие аав учир хорихоо больж торгожээ.

     Ингээд Зөрчлийн тухай хуулийн тусгай ангийн 5.4 дүгээр зүйлийн 4 дэх хэсгийн 4.1, 6.20 дугаар зүйлийн 7 дахь хэсэг, 5.1 дүгээр зүйлийн 3 дахь хэсэгт зааснаар нийт 50 хоногийн баривчлах шийтгэлийг оногдуулахгүйгээр нэг хоногийг 15 /арван тав/ нэгжтэй тэнцэх хэмжээний төгрөгөөр тооцож, Т.Дэлгэрмөрөнд 750 нэгжтэй тэнцэх хэмжээний буюу 750 /долоон зуун тавин мянга/ төгрөгөөр торгох шийтгэл оногдуулж шийдвэрлэжээ.