Б.Бямбадорж: Эмнэлгийн бус зориулалтын өрөө тасалгааг суллаж, ор дэлгэж байгаа

Дельта хувилбарын тархалт нэмэгдэж буйтай холбогдуулан эмнэлэгт хэвтэн эмчлүүлэх иргэдийг тоо өссөн. Ингэхдээ эмнэлгийн тусламж үйлчилгээнд иргэд сэтгэл хангалуун бус байгаагаа илэрхийлсээр байна. Өвчтөний тоо нэмэгдэх тусам орны хүрэлцээний асуудал хөндөгдөх болсон. Тэгвэл эрүүл мэндийн байгууллагууд ор дэлгэн ажиллахад бэлтгэл ажил хангадаг. Хүнд болон хэвтэн эмчлүүлэх нэн шаардлагатай иргэдийн тоо нэмэгдэж байгаа учраас ор дэлгэсэн байгууллагууд эмнэлгийн бус зориулалтын, оффисын зориулалтын өрөө тасалгаагаа суллан, ор дэлгэж, өвчтөнүүдийг эмчилж байгаа талаар НЭМГ-ын дарга Б.Бямбадорж өчигдөр хийсэн хэвлэлийн хурлын үеэр мэдээлсэн байдаг.