“Дэлхийн нийт хүн амын 60-70 хувь нь вакцинд хамрагдаж байж цар тахал дуусна“

ЭМЯ-наас өнөөдөр /2022.01.21/ коронавируст халдварын нөхцөл байдлын талаар ээлжит мэдээллээ хийлээ. Энэ үеэр Эрүүлийг хамгаалахын Гавъяат ажилтан А.Амбасэлмаа дараах зөвлөмж мэдээллийг өгсөн юм. Тэрбээр "Хамт байсан нэг хүн чинь өвдвөл өөрийгөө эрсдэлд орсон байх магадлалыг бодолцож үзэх хэрэгтэй. Халдварын нууц үеийн хугацаа богино байна. Хүн олон цугласан газар очихгүй байх, албан байгууллагууд ажилчдынхаа халдварын хяналт сэргийлэлтийн дэглэмд онцгой анхаарах хэрэгтэй.

Дэлхий даяар вакцинд анхаарал хандуулж байна. Дэлхий нийт хүн амын 60-70 хувь нь вакцинд хамрагдаж байж цар тахал дуусна. Вакцинд хамрагдсан бол 7-14 хоног өөрийгөө хянах хэрэгтэй. Өөрийгөө хяналгүй явж халдвар авчихаад вакцинд буруу өгөөд байна. Ийм байдал гаргаж болохгүй" гэлээ.