“Омикрон хувилбарын идэвхтэй халдварлалтын үе нь ТАВ хоног“
ЭМЯ-наас өнөөдөр /2022.01.21/ коронавируст халдварын нөхцөл байдлын талаар ээлжит мэдээллээ хийлээ. Энэ үеэр албаныхан сэтгүүлчдийн сонирхсон асуултад хариулсан юм.
-Өмнө тусаад эдгэсэн иргэд дахин халдвар авбал хэр хүнд тусаж байгаа вэ. Омикрон хувилбарын халдвар тараах эрсдэлтэй хугацааг хэдэн хоног байгаа вэ?
-ХӨСҮТ-ийн захирал Ц.Билэгтсайхан: Вирус өөрийнхөө хувилбарыг өөрчилж, шинэ хувилбар үүсгэх бүртээ эрсдлийг нэмэгдүүлж байна. Ялангуяа дахин халдварлах эрсдэл. ХӨСҮТ-өөс нэр томъёонуудад саналаа өгсөн. Омикрон хувилбарын идэвхтэй халдварлалтын үе нь тав хоног хэмээн тооцож болохоор байна. Иймээс ойрын хавьтал болон батлагдсан тохиолдлын тусгаарлалтыг 5-10 хоног үргэлжүүлэх шаардлагатай болж байгаа.
Шинж тэмдэгтэй бол 45-89 хоногийн дараа, шинж тэмдэггүй бол 90 хоногийн дараа өөр хувилбараар батлагдсан бол давтан халдвар хэмээн тодорхойлж байгаа" гэлээ.
