“Вакцинд огт хамрагдаагүй, нэмэлт тун хийлгээгүй нь хүндрэх шалтгаан болж байна“

Өчигдөр буюу нэгдүгээр сарын 22-ны өдөр ЭМЯ болон МХЕГ-ын хамтарсан баг Баянгол дүүргийн Эрүүл мэндийн төв болон Ковид19-н тусламж үйлчилгээ үзүүлж буй эмнэлэгүүдэд ажиллажээ.

Коронавируст халдвар (COVID-19)-ын амбулаторийн тусламж үйлчилгээ үзүүлж буй өрхийн эмнэлэгүүд, хэвтүүлэн эмчилж буй Ахмадын эмнэлэг болон хүүхдийн эмнэлэгүүдийн үйл ажиллагаатай танилцсан аж. Энэ үеэр мөн Баянгол дүүргийн КОВИД-19-ын шуурхай штабад ажиллан өвчтнүүдийг эрэмблэн хэвтүүлж буй үйл ажиллагаа, рентген, Ковидын амбулаторийн үйл ажиллагаатай танилцсан юм. Ахмадын эмнэлэгт 150 ковидын орыг ЭМ-ийн сайдын тушаалаар дэлгэн ажиллуулж буй юм. Тус эмнэлгийн сэхээний тасагт хэвтэн эмчлүүлэгсдийн дийлэнх нь 65 наснаас дээш настай, хавсарсан суурь өвчтэй иргэд байв. Эмнэлэгт хэвтэн эмчлүүлэгчдийн дийлэнх нь вакцинд огт хамрагдаагүй, зарим нь вакцины 2 тунд хамрагдсан болон нэмэлт тун буюу 3 тунг огт хийлгээгүй байгаа нь хүндрэх шалтгаан болж буйг сэхээний тасгийн эмч онцолж иргэдийг вакциндаа хамрагдахыг хүслээ.