С.Эрдэнэ: Х.Баттулга шиг улс орноо, ардчилсан намаа сүйрүүлсэн удирдагч байхгүй

Ардчилсан намын XIII ээлжит их хурал эхэллээ. Хуралдааныг нээж, Ардчилсан намын дарга асан С.Эрдэнэ үг хэллээ. Тэрбээр "Ардчилсан намын дүрмээр С.Эрдэнэ гэх нэр бүртгэлтэй хэвээр байгаа. Нэгэнт миний нэр хэвээр байгаа учраас нөхцөл байдлыг харгалзан үзээд, тамга тэмдэгээ авах гэтэл нөгөө нөхдүүд аваад зугтсан. Ардчилсан намыг хэд ч хуваагаад нэмэргүй. Би эрх мэдэл албан тушаалын төлөө улаараагүй. Зөвхөн намынхаа бүтцийг хамгаалахын төлөө явна. Эрх баригчидтай тэмцэж хариуцлага хүлээлгэж чадах цорын ганц нам, Ардчилсан нам. Харамсалтай нь бидний хэсэг нөхөд эрх баригчдын нөлөөнд автаж байгаад харамсаж байна. Би энд нэг зүйлийг онцолмоор байна. Х.Баттулга шиг улс орноо, ардчилсан намаа сүйрүүлсэн удирдагч байхгүй. Тиймээс би ардчилсан намаас түүнийг дэвшүүлсэндээ уучлал хүсч байна” гэлээ.