Үүрэн холбооны компаниудын үйлчилгээний төлбөрийн мэдээллийг Монголбанкны хар жагсаалтад бүртгэхгүй

Шударга өрсөлдөөн, хэрэглэгчийн төлөө газарт хэрэглэгчдээс “Монголбанкны Зээлийн мэдээллийн сан буюу хар жагсаалтад хэрэглэгчдийн мэдээллийг бүртгэж, үндэслэлгүйгээр санхүүгийн үйлчилгээ авах эрхийг хязгаарладаг” гэх асуудлыг хөндөж гомдол ирүүлжээ.

Үүний дагуу ШӨХТГ-аас Монголбанкинд хандаж уг асуудлыг хэлэлцжээ. Улмаар Төвбанкны "Зээлийн мэдээллийн сангийн хар жагсаалт"-д үүрэн холбооны үйлчилгээ, үүрэн холбооны оператор компаниудын гурвалсан үйлчилгээний төлбөрийн мэдээлэл нийлүүлэхийг зогсоох арга хэмжээ авч байгаа аж.