ЗӨВЛӨМЖ: Дэлбэрэлт болон гал түймрийн үед утааны хордлогоос хэрхэн өөрийгөө хамгаалах вэ

Баянзүрх дүүргийн 26 дугаар хороо Дүнжингаравын уулзварт 60 тонн газ ачсан автомашин, патрол маркийн машинтай шүргэлцсэний улмаас гал гарч, галыг унтраахаар ажиллаж байсан 3 алба хаагч амиа алдсан. Мөн 60 айлын орон сууц бүхэлдээ шатаж, 11 том хүн, 3 хүүхэд түлэгдэн эмнэлгийн тусламж авч буй юм.

Дэлбэрэлт болж, их хэмжээний газ агаарт дэгдсэнтэй холбоотойгоор юуг анхаарах, ийм тохиолдолд хордох эрсдлээс өөрийгөө болон хайртай хүмүүсээ хэрхэн яаж, хамгаалах талаар асуусан иргэд олон байсан тул Химийн боловсролын төвөөс дэлбэрэлт болон гал түймрийн үед утааны хордлогоос хэрхэн хамгаалах талаар зөвлөмжийг гаргасан байна.

Ус болон халуун бүлээн шингэн, сайн уух. Кофе хэрэглэхгүй байх, ногоон цайг шингэлж уух.

Витамин С 1000 мг нь хортой нэгдлийг шууд задалж, элгийг хамгаална.

Цагаан гаа нь хүчтэй антиоксидант учраас исэлдэлтийг намжааж, дотор муухай оргилтыг зогсоон, тархи хамгаална.

Глутатионы хэмжээг нэмэгдүүлснээр ДНХ гэмтэхээс хамгаалах тул мах, өндөг, сүү, тарвас, усан үзэм, бууцай, далайн байцаа, спирулина замаг сайн хэрэглээрэй. Брокколи нь хий, угаарын хорыг тайлах өвөрмөц үйлдэлтэй.

Хамар, залгиураа давс, содатай усаар зайлна.

Амаа суллан арааны шүлсээ асгаруулах нь хордлого тайлах физиологийн сайн арга. Энэ шүлсэнд өөрөө өөрийгөө эмчлэх бодисууд их байдаг.

Дасгал хийхийн оронд бясалгаж байгаа юм шиг удаан тайвнаар амьсгалын тоог удаашруулах замаар эд эрхтэнд очих хортой нэгдлийн концентрацыг багасгадаг.

Хамгаалах хэрэгслээ зүүх