Гурван иргэн зорчиж явсан автомашин халтиргааны улмаас жалган дээр тэгнэсэн байсныг аюулгүй болгожээ

Хан-Уул дүүргийн 21 дүгээр хороо, “Буянт-Ухаа 2" хорооллын 1034 дүгээр байрны урд Жалга руу 3 зорчигчтой автомашин унах гээд байна гэсэн дуудлагыг энэ сарын 4-ний 19:24 цагт Онцгой байдлын байгууллага хүлээн авчээ.

Нийслэлийн Аврах ангийн алба хаагчдыг очиход, иргэн Т /53 настай, эрэгтэй/, Э /50 настай, эмэгтэй/, Б /15 настай, эрэгтэй/ нар “Тоёота Приус-41” загварын автомашинтай зорчиж явахдаа гулгасны улмаас 4-5 метрийн гүнтэй жалганы ирмэг дээр тэгнэсэн байсныг ажиллаж автомашиныг татан татан гаргаж аюулгүй болгосон байна.