Ажлын байранд тавигдах шаардлагыг зөрчсөн “Тавантолгой Төмөр Зам“ ХХК-ийн албан тушаалтнуудыг ажлаас нь чөлөөлөхөөр болжээ

Өчигдөр цахим орчинд "Тавантолгой Төмөр Зам" ХХК-ийн ажилтнуудтай холбоотой бичлэг цацагдсан. Уг бичлэгт албан тушаалтнууд ажлын байрандаа архидсан байж болзошгүй, мөн нэгнээ үнсэж тэвэрч, дотуур хувцастайгаа алхаж буй нь бичигдсэн байдаг. Тэгвэл "Тавантолгой Төмөр Зам" ХХК-аас мэдэгдэл гаргажээ. Мэдэгдэлд "Ажлын байранд тавигдах шаардлагыг зөрчсөн Тавантолгой Төмөр Зам ХХК-ийн ажилтнуудыг ажлаас нь чөлөөлөхөөр болсон" гэжээ.