ЦЕГ: Үндэсний эвслийн байранд хойшлуулшгүй ажиллагаа явуулахад сурталчилгааны байр гэсэн хаяг шошго байгаагүй

Өчигдөр буюу 2024.06.25-ны өдөр Үндэсний эвслийн сонгуулийн төв штабт ЦЕГ-аас үзлэг шалгалт хийсэнтэй холбогдуулан цагдаагийн байгууллагаас тайлбар хийлээ.

Энэ талаар ЦЕГ-ын Хэвлэл мэдээллийн төвийн дарга Г.Пүрэвдэлгэр "Хөдөлмөрийн ордон хэмээн нэрлэгддэг объектод очиж хойшлуулшгүй ажиллагаа явуулахад сонгуулийн сурталчилгаа явуулж байгаа гэсэн ямар ч хаяг шошго байгаагүй. Үндэсний эвслийн байранд нэгжлэг хийгээгүй. Үзлэг явуулсан. Үзлэгээр илэрсэн нөхцөл байдлыг хуулийн дагуу шийддэг хуультай" гэв.