Туул гол гатлах гэж яваад усанд боогдсон хоёр иргэнийг уснаас аюулгүй гаргажээ

Налайх дүүргийн 6-р хороо Хөх давааны энгэр орчимд өчигдөр буюу долоодугаар сарын 24-нд автомашинтайгаа Туул гол гатлах гэж яваад усанд боогдсон гэх мэдээллийг 12:28 цагт авчээ. Дуудлагын дагуу тус хэлтсийн Эрэн хайх, Аврах бүлгийн алба хаагчид шуурхай ажиллан 2 иргэнийг уснаас аюулгүй гаргаж амь насыг авран хамгаалсан байна.

Иймд:

Дуу цахилгаантай аадар бороотой үед үер, усны аюулаас сэрэмжтэй байх

Зөвхөн баталгаат зам гүүрээр зорчихыг нийслэлийн Онцгой байдлын газраас онцгойлон анхаарууллаа.