Таван настай хүүхэд машин хөдөлгөж, 9 настай хүүхдийг мөргөжээ

Таван настай хүүхэд машин хөдөлгөж, 9 настай хүүхдийг мөргөжээ. Тодруулбал, Баянхонгор аймгийн Өлзийт сумын нутаг дэвсгэрт машин өнхөрч хүүхэд дайруулсан байна гэх мэдээлэл долоодугаар сарын 2-ны өдөр бүртгэгдсэн байна. Дуудлагын дагуу тус аймгийн цагдаагийн газраас шалгалтын ажиллагааг явуулахад тус сумын иргэн Б-ийн эзэмшлийн автомашин дотор таван настай хүүхэд байх үедээ арааг нь салгаж, машин өнхөрснөөр есөн настай Б дайруулж, гэмтсэн байна. Шалтгаан нөхцлийг тодруулахад осол болох үед бага насны гурван хүүхэд харгалзах хүнгүй байжээ.