СЭРЭМЖЛҮҮЛЭГ: 3.30 зэргийн согтолттой жолооч явган хүний замаар зорчиж байсан 63 настай иргэний амийг хөнөөжээ

Хан-Уул дүүргийн 10 дугаар хороо, Нисэхийн эцсийн 230 дугаар цэцэрлэгийн урд замд өнөөдөр /2024.11.01/ 17 цаг 05 минутын орчимд иргэн С нь Toyota Prius-30 маркийн автомашиныг жолоодож хөдөлгөөн эхлэх үедээ зогсоолд байсан Toyota Prius маркийн 2 автомашиныг тус тус мөргөж, улмаар явган хүний замаар зорчиж байсан явган зорчигч Б /63 настай, эмэгтэй/-г мөргөж эрүүл мэндэд нь хохирол учруулсан байна.

Хохирогч Б нь яаралтай түргэн тусламжаар ГССҮТ-д хүргэгдэн эмчлүүлж байгаад нас барсан хэргийг Тээврийн цагдаагийн албаны Мөрдөн шалгах хэлтсээс шалгаж байна.

Ослын шалтгаан нөхцөл: Тoyota Prius маркийн автомашины жолооч С /38нас, эр/ нь архи согтууруулах ундааны зүйл хэрэглэсэн хүнд зэргийн согтолттой үедээ тээврийн хэрэгсэл жолоодон уг осол хэргийг үйлдсэн нь урьдчилсан байдлаар тогтоогдсон талаар цагдаагийн байгууллагаас мэдээллээ.

Жолоочийн согтолтын зэргийг шалгахад, 3,30 хувийн согтолттой гарсан аж.