Ч.Отгонтуяа хүрэл медалийн төлөө барилдана

Чөлөөт бөхийн Азийн АШТ-ий эмэгтэй бөхийн тэмцээн болж байна. Эмэгтэйчүүдийн 53 кг-ын хагас шигшээд шалгараад байсан Ч.Отгонтуяа БНАСАУ-ын бөх, “Парис-2024” олимпын хүрэл медальт Чо Хю Гёны эсрэг барилдлаа. Энэ барилдаан манай бөх крест мэхэнд дараалж оноо алдсаар 10:0-ээр ялагдав.

Одоо Ч.Отгонтуяа хүрэл медалийн төлөө Казахстаны бөх, өсвөр, залуучуудын Азийн АШТ-ий мөнгө, хүрэл медальт Зеинеп Байановагийн эсрэг барилдах болно.